فيسبوك
واتساب
بعد إعلان فوز حكيم بلقب «أحسن طفل فى الحارة»، سعد به أصدقاؤه، وأخذوا يهتفون باسمه بصوت عالٍ، ولمح دكتور عقل غضب رامز وأصدقائه، فتوجه إليهم وقال: «شوفتوا يا ولاد؟ حكيم رغم إنه بيعانى من صعوبات ذهنية بسيطة، لكنه عرف يجاوب على الأسئلة ويفوز عليكم، علشان تعرفوا إن الإعاقة الحقيقية هى إعاقة الروح اللى بتخلينا نرفض تقبل اختلاف الآخر، اللى هو فى الحقيقة بيميزه عننا».
فرد رامز وأصدقاؤه: «عندك حق يا دكتور عقل، نوعدك نحسن معاملة حكيم ونبطل تنمر على غيرنا». شعر دكتور عقل بالسعادة وقال لهم: «أنا فخور بيكم يا ولاد»، ثم احتضنهم وهو يشعر بأنه علمهم أهم درس، وهو تقبل اختلاف الآخر.
مغامرات د عقل والخارقون الأربعة
اجتمع دكتور عقل بالأطفال كعادتهم قبل المغرب، ولاحظ أن الطفلة نغم تجلس حزينة وعينيها مليئتين بالدموع، فسألها فورًا: «مالك يا نغم؟ حزينة كده ليه؟ احكى لى»، فردت نغم وهى تحاول حبس دموعها قبل أن تنهمر على خديها: «عم حسين النجار بيأذى كلاب الشارع، بيضربهم وبيحط سم فى أكلهم، وإمبارح كلبة منهم اشتكت لى إنها خسرت أطفالها الخمسة بعد ما أكلوا طبق كشرى كان قدام محل عم حسين، واللى كان كله سم فئران».
حزن دكتور عقل عندما سمع كلام نغم، وقال لها بحزم: «حسين لازم يقف عند حده». فسأله نور: «هتعمل إيه يا دكتور عقل؟»، فرد قائلًا: «هفكر فى حل».
جلس دكتور عقل إلى المنضدة وهو يفكر، ثم ضبط نظارته الطبية وقال: «بصوا يا ولاد، أنا هتكلم الأول مع عم حسين وأفهم منه بيعمل كده ليه، وبعد كده هقولكم على الخطة اللى هننفذها».
أبطال الهمم
ذهب دكتور عقل إلى عم حسين النجار، الذى كان يعمل فى ورشته، فرحب به ودعاه إلى تناول كوب الشاى معه، لكن دكتور عقل اعتذر وسأله قائلًا: «أنت ليه بتسمم كلاب الحارة؟ مش حرام عليك؟ دول روح زيك».
حاول حسين على الفور إنكار التهمة قائلًا: «أنا أسمم كلاب إزاى؟ استحالة أعمل كده، أنا بس بمشيهم من قدام الدكان علشان بيعملوا دوشة قدامى».. يتبع.
